ბიოგრაფია

დაიბადა თბილისში 1932 წლის 25 აგვისტოს.

1951 წ. თბილისის ქალთა 35–ე საშუალო სკოლის დამთავრების შემდეგ, სწავლა განაგრძო შ. რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტზე.

1956 წლიდან რუსთაველის თეატრის მსახიობია.

1970 წლიდან პარალელურად მუშაობს თეატრალური ინსტიტუტის მსახიობის ოსტატობის კათედრაზე რეჟისორის თანაშემწედ.

1974 წლიდან კი მეტყველების კათედრის პედაგოგია.

1988 წელს მიენიჭა დოცენტის წოდება.

1990 წ. მისი ინიციატივით ჩამოყალიბდა დმანისის თეატრი – სტუდია "ქვემო ქართლი". მან მაყურებელთან ერთად მკითხველის ყურადღებაც მიიპყრო შესანიშნავი წიგნის "ჩემი ანტიგონეს" პუბლიკაციით.

1968 წელს მიენიჭა საქართველოს დამსახურებული არტისტის წოდება .

1976 წელს მიენიჭა საქართველოს სახალხო არტისტის წოდება.